16 سوال ارجو الاجابة بصراحة للجادين فقط؟

السلام عليكم ورحمة الله وبركاته......
هناك 16 سؤال اذا طرحت عليك فجأه فبماذا سوف ترد عليها بس بصراحه.
اتمنى من الكل الاجابه على الاسئله...
الـيـكـم الـتــالــي:-
1- من أنت؟
2- باقة ورد لمن تهديها؟
3- باقة شوك لمن تهديها؟
4- أسوأ خبر سمعته؟
5- شخص لا ترفض له طلبا؟
6- من يطربك ؟
7- ما هي التجربة التي تتمنى تكرارها؟
8- من هو توأم روحك؟
9- ماهو أكثر شيء تخشاه؟
10- ما الشيء الذي يشعرك بأكبرقدر من الإحراج؟
11- نزار شاعر المرأة.. أنت شاعر من؟
12- حمام زاجل استقر على نافذتك يحمل رسالة من مجهول ممن تتمنى أن تكون؟
13- جريمة تتمنى أرتكابها؟
14- قطعة فحم وجدار نظيف ماذا سترسم عليه،وماذا ستكتب تحت الصورة؟
15- كلمة أخيرة بعد أن أصابك الملل؟
16- شخص وعدك بشي مهم جدا ثم اخلف ماذا تقول له ؟

ج1- مستر D
ج2_ اهديها لامى وابويا واخواتى
ج3_ اهديها طبعا لحبيب قلبي رئيسى ف الشغل ههههه
ج4_ لما حد كان عزيز عليا اوى عمل حادثه
ج5_ صديقى الانتيخ محمد
ج6_ لو تقصد اغانى وكده يبقى الكينج محمد منير
ج7_ ايام الصياعه لما كنا بنسافر كتير واحنا في الجامعه
ج8_ كان فيه وخلص ههههه
ج9_ انى اموت وانا مقدرتش اوفى حق ربنا عليا
ج10_ ان حد بحبوه يبقى محتاج منى حاجه وابقى مش قادر اعملهالوه
ج11_ شاعر بصداع من كتر الاساله هههههههه
ج12_ نفسى تكون من الحد اللى كان عزيز عليا وعمل الحادثه
ج13_ انى اسرق بنك ومتمسكش
ج14_ حرسم عليه لوجو المشروع بتاعى اللى نفسي اعملوه
ج15_ هو انا بعد ماحجاوب كل الاسئله ده حتدونى حاجه هههههههههه؟؟
ج16_حقولوه لو انت اخلفت وعدك غصب عنك ف انا مسامحك لكن لو اخلفتوه بدون عذر يبقى ملوش لازمه نعرف بعض تانى

1- انا من بكى القمر على حالى
2- لمن احبنى بصدق
3- لكل شخص فى قلبه الاذية و هو حقود
4- الفراق بكل انواع بيبقى الخبر وحش يعنى جدى لما مات و صحبتى لما سفرت صحبتى و اول خبر وجعنى موت واحد زميلى كان معايا فى المعهد مات فى حادثة قطر
5-انا طبعتى لما شخص يطلب منى طلب و فى ايدى اكيد مش برفض
6- لو الاغانى يبقى حمادة هلال
7-ايام المدرسة
8-معنديش
9- اى شئ مكثف بحس انى نفسى اموت ودا ميحصليش
10-لو عملت حاجة وحد فهماها غلط او عملت حاجة غصب عنى او مأخدش فى بالى وعملتها وحد خدهل على سوء تفاهم دى بتبقى لحظة وحش اوى
11- للقمر و السماء والناس الغلابة يعنى من الاخر للطبيعة
12- امممممممممممممممم طبعا حد يكون بيحبنى مش شرط الحبيب يعنى ممكن اوقول الصديق
13-مقدرش اعمل شئ وربنا يغضب عليا او انا مش بحب اعمل حاجة مخلفة شرعا و قانونا بحس لما بقف ادام المراية بحس انى ىحد تانى مش انا
14-وردة و القمر وعصفور رقيق واكتب عليها
االقمر يبكى على الوردة الوردة الحمرا ء ولكل انسان انانى غدار يسمكها يدها و يكذب على لكلا من احبه
و دموع الورد عندما يقول انا لا اقبل انى اكون شريك فى كذبة و خيانة البنى أدمين
15-هل تسألت يوما أيهما يؤلم أكثر: أن تقول شيئاً وتتمنى أن لا تقوله , أو لا تقول شي وتتمنى لو قلته ؟ تستغرق دقيقة لتحطم شخص ما و ساعة لتعجب بشخص ما ويوم لتحب شخص ما
16- مؤلم...أن يعاهدك أحدهم على الوفاء ويكون أول الخائنين!!

متشكرة و متأسفة انى ثقة فيك بس على فكرة ساعتها هقول كلام بيوجع وممكن هو نفسه يرجع يتأسفلى لانى انا طبعتى لما اوعد حد بحاجة يبقى خلاص اكيد عملها ولو حد وعدنى بحاجة ومنفذهاش انا ساعتها طبعتى كلامى بيوجع اوى وقت الجرح و احيانا الصمت كثرة اهانة من الكلام

1- انا احمد مصطفى مسلم وموحد بالله
2-اكيد لامى
3-للعدو الصهيونى
4- اى خبر وفاه
5-لااى حد بس يكون فى استطاعنى
6-الشيخ عبد الباسط عبد الصمد
7-زيارة البيت الحرام
8-صديق عزيز على
9-اخشى غضب الله منى
10-لو حصل سؤ تفاهم ومعرفش اعبرعن وجه نظرى
11- شاعر زوجتى
12- مش فاكر السوال دى
13-اقتل عدو صهيونى نفسى
14-ارسم الكعبه واكتب تحتها لا اله الا الله
15-اقول سبحان الله والحمد لله ولا اله الاالله وحده لاشريك له والله اكبر
16- اذ كانت ظروف منعته اسامحه اما اذ كان عن قصد خلاص اللى بينى وبينه انتهى
اتمنى ان اكون وفقت فى الاجابه وشكرا للسال

1/ سوال يصعبالردعليه
2/ حبيبى
3/انسه لطلما كرهتها
4/موت شخص
5/حبيبي
6/ سعاد حسنى
7/مقابله حبيبى
8/ عمرو
9/ البعد عنه
12/ من حبيبي
13/قتل شخص كرهته
14/ارسم قلب تحتهااحبك
15/يا الله
16/ لايوعدنى شخص بشى مهمالا حبيبي وهو لا يخلفه ابدا وان فعل اقول له مثلما تريد

أنا محمد
أهديها لأمى
أهديها للأستاذ اللى بيحط الامتحان
جدى قد مات
أخى
فضل شاكر
تسلق الجبال