كلمات لكوكب الشرق

اكر لما كنت جنبي

للشاعر / احمد رامى


فاكر لما كنت جنبي

والنسيم يداعب غصون الشجر

والغصن مال ع الغصن قال

ما أحلى الوصال للى انتظر

والفرحة تمت للأحباب والغصن عانق حبيبه

وأنا اللي قلبي في حبك داب من غير ما يبلغ نصيبه

العين ترعاك والروح تهواك ويا ريتني معاك

زي الغصون لو بعد يوم

جه النسيم قرب بينها

ما احلى الوصال اللى انتظر

فاكر لما كنت جانبى

والغمام داعب جبين القمر

والليل ساري والنيل جاري

والموجة تجري وراء الموجة

عايز تطولها ضمها وتشتكي حالها

من بعد ما طال السفر جه النسيم قرب بينها

كل موجة ف أحضانها حبيب بعد قرب منها

الموج شبع من حبيبه وأنا اللي قلبي في حبك داب

في أفراحي احن ما أحلى الوصال للي انتظر

أمل حياتي

تأليف : احمد شفيق كامل
أمل حياتي يا حب غالي ما ينتهيش

يا أحلى غنوه سمعهاقلبي ولا تتنسيش

خد عمري كله بس النهارده خليني اعيش

خليني جنبك خليني في حضن قلبك خليني

وسيبني أحلم سيبني ياريت زماني ما يصحنيش

أمل حياتي عينيه يا أغلى مني عليه

يا حبيب امبارح وحبيب دلوقتي

يا حبيبي لبكره ولأخر وقتي

احكي لي .. قوللي

أيه من الأمان ناقصني تاني وانا بين اديك

عمري ما دقت حنان في حياتي زي حنانك

ولا حبيت يا حبيبي حياتي إلا عشانك

وقابلت آمالي وقابلت الدنياوقابلت الحب

أول ما قبلتك واديتك قلبي يا حياة القلب

أكثر م الفرح ده ما حملش أكثر م اللي انا فيه ما اطلبش

بعد هنايا معاك يا حبيبي لو راح عمري أنا ماندمش

وكفاية أصحى على شفايفك بتقوللي عيش

أسمعها غنوة تقول لحبي ما ينتهيش

خليني جنبك خليني في حضن قلبك خليني

وسيبني أحلم سيبني ياريت زماني ما يصحنيش

ياللي حبك خلا كل الدنيا حب

ياللي قرب صحى عمر وصحى قلب

وانت معايا يصعب عليه رمشة عنيه ولا حتى ثانية

يصعب عليه ليغيب جمالك ويغيب دلالك ولو شوية

قد كده باشتاق إليك قد كده ملهوف عليك

نفسي أنده لك بكلمه ما تقالتش لحد تاني

كلمه قد هواك ده كله قد أشواقي وحناني

كلمة زيك واللي زيك فين ده انت زيك ما اتخلقش اتنين

وكفاية أصحى على شفايفك بتقولي عيش

أسمعها غنوة تقول لحبي ما ينتهيش

وسيبني أحلم سيبني .. ياريت زماني ما يصحنيش

خليني جنبك خليني .. في حضن قلبك خليني

يا حبيبي مهما طال عمري معاك

برضه أيامه قليله

دي السعادة والحنان في هواك

ما تقضيهاش أجيال طويله

حبك يا حبيبي ملا قلبي وفكري

بينور ليلي ويطول عمري

بيزيد.. بيزيد في غلاوته دايماً بيزيد

وتملي جديد في حلاوته وتمللي جديد

إنت خليتني أعيش الحب وياك ألف حب

كل نظره إليك بحبك من جديد وأفضل احب

أنا حبيت في عنيك الدنيا

كل الدنيا حتى عوازلي أو حسادي

كل الناس حلوين في عينه حلوين

طول ما عنيه شايفه الدنيا وانت قصادي

وأنام وأصحى على شفايفك بتقوللي عيش

أسمعها غنوه تقول لحبي ما تنتهيش

خليني جنبك خليني .. في حضن قلبك خليني

وسيبني أحلم .. ياريت زماني ما يصحنيش